لاہور ( سپورٹس رپورٹر+سٹاف رپورٹر ) ایچ ای سی انٹر ورسٹی مینزفٹبال چیمپئن شپ کاآغازہوگیا۔ افتتاحی تقریب میںچیئرمین ہال کونسل پروفیسر ڈاکٹر عابد حسین چوہدری، قائم مقام ڈائریکٹر سپورٹس طاہرہ سلیم، 17 یونیورسٹیوں کے سپورٹس آفیشلز اور کھلاڑیوں نے شرکت کی۔ پاکستان فٹبال فیڈریشن کی نومنتخب باڈی کے ممبران نائب صدر پاکستان فٹبال فیڈریشن سردارنویدحیدر‘ایگزیکٹو کمیٹی کے ممبرمیاں رضوان علی نے خصوصی دعوت پربطور مہمان خصوصی شرکت کی۔ اس موقع پر جامعات کے فٹبالرزسمیت منتظمین نے نائب صدر پی ایف ایف سردارنوید حیدرسے ملاقات کی اور فٹبال کے فروغ سمیت دیگر معاملات میں تعاون جاری رکھنے کے عزم کااظہارکیا۔ آل پاکستان انٹرورسٹی فٹبال چیمپئن شپ میں ملک بھر سے17 جامعات کی ٹیمیں شریک ہیں جن کے مابین مقابلے دس جنوری تک پنجاب یونیورسٹی گراونڈمیں جاری رہیںگے۔