لاہور(سپورٹس رپورٹر) ورلڈ پرو ہاکی لیگ کی تیاریوں کے لیے قومی ٹیم کے ممکنہ کھلاڑیوں کا تربیتی کیمپ لاہور میں جاری ہے۔ ماڑی گیس ٹیم سے تعلق رکھنے والے تین کھلاڑیوں نے تاحال کیمپ میں رپورٹ نہیں کی ہے۔ پاکستان ہاکی ٹیم کے کوچ دانش کلیم کا کہنا ہے کہ ورلڈ کپ کے بعد نئی ٹیم بنانے کے لیے زیادہ تر نوجوان کھلاڑیوں پر فوکس کیے ہوئے ہیں۔ ماڑی گیس ٹیم کے تین کھلاڑی جلد کیمپ کو جوائن کر لینگے۔ ہماری کوشش ہے کہ نئی ٹیم میں جونیئر کھلاڑیوں کو موقع دیں تاکہ مستقبل کے لیے نئی ٹیم تیار کی جا سکے۔ تربیتی کیمپ میں نوجوان کھلاڑی فٹنس کے ساتھ ساتھ ان کی سکلز پر کام کیا جا رہا ہے۔ پاکستان ہاکی فیڈریشن نے اس مرتبہ نوجوان کھلاڑیوں پر فوکس کر کے ان پر اعتماد کرنے کا جو فیصلہ کیا ہے وہ درست ہے جس کے مستقبل میں اچھے نتائج نکلیں گے۔