قصور(نامہ نگار)پولیس کا جرائم پیشہ ملزموں اور اشتہاریوں کے خلاف کریک ڈائون جاری، 5بدنام زمانہ منشیات فروشوں سمیت 17ملزم گرفتار کر لئے گئے۔ تفصیلات کے مطابق تھانہ صدر پھولنگر پولیس نے کارروائی کرتے ہوئے مختلف ہوٹلوں میں کارروائی کرتے ہوئے تین بدنام زمانہ منشیات فروشوں رب نواز پٹھان، گل محمد پٹھان اور اسحاق کو گرفتار کرکے ان کے قبضہ سے 4کلوگرام سے زائد چرس برآمد کر کے مقدمات درج کیے جبکہ دیگر کارروائیوں کے دوران دو شراب کشید کرنے والے ملزموں کو گرفتار کر کے 65لیٹر دیسی شراب برآمد کی۔ ناجائز اسلحہ رکھنے والے ملزموں کے خلاف کارروائی کرتے ہوئے 10 ملزموں کو گرفتار کر کے ان سے کلاشنکوف اور 9پسٹل برآمد کر کے مقدمات درج کر لئے جبکہ دیگر سنگین مقدمات میں ملوث 2 اشتہاریوں کو بھی حراست میں لیا گیا۔