لاہور(نمائندہ سپورٹس) ورلڈ کپ ہاکی ٹورنامنٹ میں 12 ویں پوزیشن پر آنیوالی ٹیم کے سابق منیجر حسن سردار نے رپورٹ جمع کرادی ہے۔رپورٹ میں سنئیر کھلاڑیوں اور فنڈز کی کمی کو ورلڈکپ میں شکست کا قصوروار ٹھرایا گیا ہے۔ذرائع کے مطابق رپورٹ میں کہا گیا ہے کہ سینئر کھلاڑیوں کے غیرمعیاری کھیل کی وجہ سے نتائج خراب آئے۔ رپورٹ میں نئی ٹیم بنانے کی سفارش کرتے ہوئے کپتان سمیت سنئیر کھلاڑیوں کو فارغ کرنے کی تجویز دی گئی ہے۔ رپورٹ مین موقف اختیار کیا گیا ہے کہ فنڈز نہ ہونے کے باعث بھی کھلاڑیوں کی کارکردگی میں تسلسل نہیں رہا۔حسن سردار نے رپورٹ پاکستان ہاکی فیڈریشن کے ایسوسی ایٹ سیکرٹری ایاز محمود کو جمع کرائی ہے۔