عظیم شاعر مرزااسداللہ خان غالب کے یوم ولادت کے موقع پر سیمینار ‘مشاعرہ
لاہور(کلچرل رپورٹر) اردو زبان کے عظیم شاعر مرزااسداللہ خان غالب کے یوم ولادت کے موقع پراکادمی ادبیات پاکستان کے زیر اہتمام سیمینار اور مشاعرہ کا اہتمام کیا گیا۔ سیمینار کی صدارت ڈاکٹر تبسم کاشمیری نے کی جبکہ مہمان خصوصی ڈاکٹر سعادت سعید تھے۔ مقررین میںڈاکٹر عبدالکریم خالد ،ڈاکٹر ضیاء الحسن، ڈاکٹر سلیم سہیل اور ڈاکٹرفضیلت بانوشامل تھی۔ مشاعرہ کی صدارت ڈاکٹر کنول فیروز نے کی اور مہمان خصوصی عبدالکریم خالدتھے۔ نظامت کے فرائض ممتاز راشد لاہور ی اور محمد جمیل نے سر انجام دیئے۔ ریذیڈنٹ ڈائریکٹر محمد عاصم بٹ نے کہا کہ مرزا غالب کی شخصیت کے مقام و مرتبہ کے بارے میںجتنابھی کہا جائے اتنا ہی کم ہے ۔
