فیروزوالہ ( نامہ نگار) لاہور شیخوپورہ روڈ پر منڈیالی کے قریب تیز رفتار ٹرک نے موٹر سائیکل سوار دو طالب علموں کو روند ڈالا۔ طالب علموں نے اس واقعہ کے بعد شدید احتجاج کیا، جس سے ٹریفک کا نظام درہم برہم ہو کر رہ گیا۔ بتا یا گیا ہے ایک مدرسہ کے طالب علم یاسر علی عمر 13سال اور غلام مرتضی عمر 18سال دونوں موٹر سائیکل پر قلعہ ستار شاہ سے شاہدرہ آرہے تھے جب منڈیالی کے قریب پہنچے تو شیخوپورہ سے آنے والے تیز رفتار ٹرک نے ان کو کچل ڈالا جس کے نتیجہ میں 13سالہ یاسر علی موقع پر ہلاک جبکہ غلام مرتضیٰ زخموں کی تاب نہ لاتے ہو ئے ہسپتال میں دم توڑ گیا، فیکٹری ایریا پولیس نے واقع کی رپورٹ درج کر لی، حادثہ کے بعد ڈرائیور ٹرک چھوڑ کر فرار ہو گیا۔ دونوں طالب علم شیخوپورہ اور راجن پور کے رہنے والے تھے۔