ملتان سلطانز نے اپنے کوچنگ سٹاف کے نامو ں کا اعلان کردیا
لاہور(سپورٹس ڈیسک) ملتان سلطانز نے کوچنگ سٹاف کے نامو ں کا اعلان کردیا ۔ جنوبی افریقہ کے سابق آف سپنر یوہان بوتھا چوتھے ایڈیشن میں ملتان سلطانز کے کوچ جبکہ عبدالرحمان ٹیم کے نائب کوچ کے فرائض سر انجام دیں گے ، سابق ٹیسٹ کرکٹر ندیم خان ٹیم کے منیجر ہونے کیساتھ ساتھ سپن باولنگ کوچ بھی ہوں گے۔واضح رہے کہ پی ایس ایل تھری میں ملتان سلطانز کی کوچنگ کرنے والے سابق آسٹریلیوی کرکٹر ٹام موڈی نے دیگر مصروفیات کے باعث رواں سال ملتان سلطانز کی کوچنگ سے معذرت کرلی تھی۔
