لاہور(نمائندہ سپورٹس)انٹرنیشنل کبڈی ٹاکرا کے فائنل مقابلے آج پنجاب سٹیڈیم میں ہوں گے۔ہفتے کو خراب موسم کے باعث بھارت اور ایران کی ٹیمیں پریکٹس نہ کرسکیں۔انٹرنیشنل کبڈی ٹاکرے کے فائنل راونڈ کی تیاری کیلئے ایران اور بھارتی کبڈی ٹیمیں ہفتہ کی شام پنجاب سٹیڈیم پہنچیں مگر بارش کے باعث پریکٹس نہ کرسکیں۔ اس موقع پر بھارتی کبڈی ٹیم کے کھلاڑی ہرجیت سنگھ کا میڈیا سے گفتگو کرتے کہنا تھا کہ پاکستان آکر خوشی ہوئی، میچ کیلئے تیار ہیں، امید ہے شائقین کو بہترین مقابلہ دیکھنے کو ملے گا۔ سچن کمار نے کہا کہ پاکستان میں لوگ کبڈی کو بہت پسند کرتے ہیں، یہاں کی میزبانی نے دل جیت لیے۔ آج پہلا مقابلہ پاکستان وائٹ اور ایران جبکہ دوسرا پاکستان گرین اور بھارت کی ٹیموں کے درمیان ہو گا۔