سیالکوٹ (نامہ نگار) مراکیوال جنگل کے قریب موٹر سائیکل، کار اور پک اپ میں تصادم کے نتیجہ میں دو افراد جاں بحق جبکہ چھ شدید زخمی ہو گئے۔ بتایا گیا ہے کہ سیدپور روڈ پر مراکیوال جنگل کے قریب تیز رفتاری کے باعث کار، پک اپ اور موٹر سائیکل میں تصادم ہو گیا جس کے نتیجہ میں کوٹلی لوہاراں کا رہائشی اٹھائیس سالہ افضال اور پچاس سالہ نامعلوم شخص جاں بحق ہو گیا شہر کے علاقہ نشاط پارک کا 21سالہ نعمان، مرالہ روڈ کا عون علی، نواحی گاو¿ں ملکے کلاں کے تین لڑکے 18سالہ عدیل علی، 20 سالہ حسنین اور 24سالہ جازب عباس اور محلہ حاجی پورہ کا سالہ سجاد شدید زخمی ہو گئے ریسکیو 1122کے عملہ نے زخمیوں کا طبی امداد دیتے ہوئے سول ہسپتال منتقل کر دیا ۔ ڈاکٹروں کا کہنا ہے کہ تمام زخمیوں کے سروں پر شدید زخمی چوٹیں ہیں۔
2 جاں بحق