اسلام آباد ( نوائے وقت نیوز)سپریم کورٹ میں آئندہ ہفتے مقدمات کی سماعت کیلئے چھ بینچز تشکیل دیئے گئے آئندہ ہفتے اہم مقدمات میں بیرون ملک اکاونٹس کیس آئی پی پی کیس اور صاف پانی فراہمی کیس شامل ہیں۔ سپریم کورٹ آئندہ ہفتے کا ججز روسٹر اور کاز لسٹ جاری کردی گئی جس کے مطابق سپریم کورٹ میں آئندہ ہفتے مقدمات کی سماعت کیلئے چھ بینچز تشکیل دیئے گئے۔ بینچ نمبر ایک چیف جسٹس میاں ثاقب نثار، جسٹس فیصل عرب اور جسٹس اعجاز الاحسن بینچ نمبر دو جسٹس آصف سعید کھوسہ، جسٹس مقبول باقر اور جسٹس منصور علی شاہ ،بینچ نمبر تین جسٹس گلزار احمد، جسٹس قاضی فائز عیسیٰ اور جسٹس مظہر عالم، بینچ نمبر چار جسٹس عظمت سعید، جسٹس مشیر عالم اور جسٹس سجاد علی شاہ، بینچ نمبر پانچ جسٹس عمر عطا بندیال، جسٹس منیب اختر اور جسٹس یحییٰ آفریدی، بینچ نمبر چھ جسٹس منظور ملک اور جسٹس سردار طارق پر مشتمل ہو گا۔ آئندہ ہفتے اہم مقدمات میں بیرون ملک اکاؤنٹس کیس آئی پی پی کیس اور صاف پانی فراہمی کیس شامل ہیں۔