لاہور(سپورٹس رپورٹر) قومی انڈر 18 سنوکر چیمپئن شپ میں عمر خان، حمزہ الیاس، کامران البرٹ مسیح، احسان یوسف، محمد نسیم اختر، شیخ محمد مدثر، شاہ زیب ملک اور شہریار کوارٹر فائنل میں پہنچ گئے۔ احسان یوسف نے سجاد عبداللہ کو 4-3 فریمز سے زیر کیا، کامران البرٹ نے فیصل ابرار کیانی کو 4-2 فریمز سے ہرا یا، محمد نسیم اختر نے شہریار عباس کو 4-0 فریمز سے شکست دی، عمر خان نے محمد فیصل کو 4-1 سے قابو کیا، شیخ محمد مدثر نے شیخ قمبر کو زیر کر کے کوارٹر فائنل میں جگہ بنائی، شہریار خان نے شیراز رضا اور شاہ زیب ملک نے محمد رفیق کو شکست دے کر کوارٹر فائنل کیلئے کوالیفائی کیا۔ کوارٹر فائنلز آج کھیلے جائیں گے۔