لاہور(سپورٹس رپورٹرنمائندہ سپورٹس) 19ویں ایشیئن جونیئر سکواش چیمپئن شپ میں ٹیم پاکستان نے روایتی حریف بھارت کے خلاف فتح سمیٹ لی۔تھائی لینڈ کے شہر پتایا میں جاری ایشیئن جونیئر سکواش چیمپئن شپ میں ٹیم پاکستان نے فتح کے جھنڈے گاڑ دیئے، روایتی حریف بھارت کو دو ایک سے دھول چٹا دی، انیسویں سالانہ ایونٹ میں پاکستان کی طرف سے زیب عباس، فرحان ہاشمی اور حارث قاسم نے نمائندگی کی۔فرحان ہاشمی کو تشانت شاہانی سے شکست ہوئی۔زیب عباس اور حارث قاسم نے حریف کھلاڑیوں کو دھول چٹائی، پاکستان نے کوریا کے خلاف تین صفر سے کامیابی حاصل کی، عباس زیب، فرحان ہاشمی اور حارث قاسم نے اپنے اپنے میچز جیتے۔پاکستان کے عباس زیب نے سیوکجن کے خلاف سٹریٹ گیمز میںگیارہ دو، گیارہ سات اور گیارہ چار سے کامیابی حاصل کی۔فرحان ہاشمی نے جے ایم یو کو گیارہ چار، گیارہ دو اور گیارہ آٹھ سے زیر کیا۔حارث قاسم نے سخت مقابلے کے بعد ایم وی لی کے خلاف گیارہ آٹھ، تین گیارہ، تین گیارہ، گیارہ آٹھ اور تیرہ گیارہ سے فتح سمیٹی۔