بل گیٹس نے لائن میں لگ کر برگر خریدا، ویڈیو سوشل میڈیا پر وائرل
نیویارک (نیٹ نیوز) دنیا کی امیر ترین شخصیات میں شمار ہونے والے مائیکرو سٹافٹ کے بانی بل گیٹس نے امریکی شہر سیٹل میں ا یک فاسٹ فوڈ ریسٹورنٹ کے باہر قطار میں کھڑے ہو کر برگر خریدا۔ بل گیٹس کو لائن میں کھڑا دیکھ کر آس پاس موجود لوگ حیران رہ گئے۔ ویڈیو سوشل میڈیا پر وائرل ہو گئی۔ بل گیٹس کی فاسٹ فوڈ ریسٹورنٹ کے باہر بغیر کسی پروٹوکول کے نہایت سادگی سے قطار میں کھڑے ہونے کی تصویر انٹر نیٹ پر وائرل ہو گئی۔ اس تصویر میں بل گیٹس کو فاسٹ فوڈ ریسٹورنٹ کے باہر جیب میں ہاتھ ڈالے کھڑا ہوا دیکھا جا سکتا ہے۔ جب ریسٹورنٹ کے ملازم نے انہیں دیکھا تو انہوں نے انتہائی اطمینان سے کہا کہ مجھے ایک ڈیلکس اور ساتھ فرائز دیں۔
