جہانگیر ترین بھی مکئی کے بھٹے کے دلدادہ،مسجد کے باہر ریڑھی سے خریدا، ویڈیووائرل
اسلام آباد ( آن لائن) پاکستان تحریک انصاف کے رہنما جہانگیر ترین بھی مکئی کے بھٹے کے دلدادہ نکلے۔ جہانگیر ترین نے وفاقی دارالحکومت میں نماز جمعہ ادا کی اور نماز کی ادائیگی کے بعد مسجد کے پاس کھڑے ایک ریڑھی بان سے بھٹہ خریدنے کھڑے ہو گئے جس کی ویڈیو سوشل میڈیا پر وائرل ہوگئی ۔ جہانگیر ترین نے بھٹہ فروش سے ہلکی پھلکی گپ شپ بھی کی،جہانگیر ترین نے ریڑھی بان سے پوچھا کہ کوئی تنگ تو نہیں کرتا ریڑھی لگانے سے؟؟ کوئی مسئلہ ہے تو بتائیں۔ جس پرریڑھی والے نے ان کا شکریہ ادا کیا اور کہا کہ مجھے کوئی تنگ نہیں کرتا۔ جہانگیر ترین نے بھٹہ لینے کے بعد پیسے خود اپنی جیب سے ادا کیے۔
