کراچی (نوائے وقت رپورٹ) کراچی سے سکھر جانے والا پی آئی اے کا طیارہ حادثے سے بال بال بچ گیا۔ ذرائع کے مطابق ایئرپورٹ سے پرواز کے تھوڑی ہی دیر بعد ایک ڈرون طیارے کے انتہائی قریب آگیا۔ پی کے 536 کے کپتان کے مطابق واقعہ سپر ہائی وے پر افغان بستی کے قریب پیش آیا۔ کپتان نے واقعہ کی اطلاع فوری طور پر کنٹرول ٹاور کو دی۔ ڈرون طیارے سے 50 سے 100 فٹ کی بلندی پر تھا۔ طیارہ اس وقت 4300 فٹ کی بلند ی سے پرواز کررہا تھا ۔ حکام نے پولیس کو واقعہ کی اطلاع دے دی۔