گوجرانوالہ: سی ٹی ڈی سے مقابلہ ، داعش پنجاب کا صدر سمیت 2دہشت گرد ہلاک ، گاڑی تباہ
گوجرانوالہ (نمائندہ خصوصی)گوجرانوالہ میںلدھیوالا وڑائچ کے قریب سی ٹی ڈی اور مبینہ دہشت گردوں کے مابین مقابلہ میںداعش پنجاب کا صدر کاشف لنگڑا اور عبدالرحمن نامی دہشتگرد ہلاک ہوگیا،. ذرائع کے مطابق دہشت گرد سابق وزیر اعظم یوسف رضا گیلانی کے بیٹے علی حیدر گیلانی کے اغوا اور چیف جسٹس(ر) تصدیق حسین جیلانی کی بھتیجے کے اغواء اور قتل جبکہ خفیہ ادارے کے انسپکٹر کے اغواء اور پولیس کانسٹیبل حسیب کو شہید کرنے سمیت قتل و دہشت گردی کی متعدد وارداتوں میں بھی ملوث تھے ۔مقابلے کے وقت مبینہ دہشتگردوں کے پاس دس کلو وزنی خودکش جیکٹ دھماکے سے پھٹ گئی اور زور دار دھماکے سے گاڑی بھی تباہ ہو گئی ذرائع کے مطابق فائرنگ کا سلسلہ 25 منٹ تک جاری رہا۔
