لاہور(سپورٹس رپورٹر) پاکستان کرکٹ بورڈ نے 17خواتین کرکٹرز کے لئے چھ ماہ کے سینٹرل کنٹریکٹ کا اعلان کر دیا۔ پی سی بی نے خواتین کھلاڑیوں کی کارکردگی کی بنیاد پر 17کھلاڑیوں کو چار کیٹیگریز میں یکم جنوری سے 30 جون تک کے لئے سینٹرل کنٹریکٹ جاری کیا ۔ اے کیٹیگری میںبسمہ معروف ، جویریہ ودود، ناہیدہ بی بی اور ثنا میر۔ بی کیٹیگری میں نشرہ سندھو، سدرہ نواز، اور ندا راشد۔ سی کیٹیگری میں عالیہ ریاض،انعم امین، ڈیانا بیگ، عمائمہ سہیل، سدرہ امین جبکہ ڈی کیٹیگری میں ایمن انور،کائنات امتیاز، عائشہ ظفر، منیبہ علی صدیقی اور نتالیہ پرویز شامل ہیں ۔