دوحا (نوائے وقت رپورٹ) افغان طالبان اور امریکی نمائندوں میں قطر میں دوسرے روز بھی مذاکرات جاری رہے۔ ترجمان طالبان نے کہا ہے کہ امریکی نمائندوں سے بات چیت آج بھی جاری رہے گی۔ قطر میں طالبان اور امریکی نمائندوں کے درمیان مذاکرات پیر کے روز شروع ہوئے تھے۔ افغانستان سے امریکی فوج کا انخلا بات چیت کے ایجنڈے کا حصہ ہے۔ افغان سرزمین کا کسی دوسرے ملک کیلئے خطرہ نہ بننا بھی ایجنڈے کا حصہ ہے۔