اسلام آباد (شفقت علی، دی نیشن رپورٹ) نامور سعودی تھنک ٹینک کے سربراہ نے کہا ہے کہ حکومتیں آتی جاتی رہتی ہیں لیکن سعودی عرب سب سے پہلے پاکستان کو ترجیح دیتا ہے۔ انٹرنیشنل انسٹی ٹیوٹ فار ایرانین سٹڈیز کے چیئرمین محمد ایس السولامی نے کہا کہ پاکستانی فوج کے ساتھ ہمارے بہت اچھے تعلقات ہیں اور پاکستان ہمارا بہت اہم اتحادی ہے۔ آرمی چیف جنرل قمر جاوید باجوہ سعودی عرب کے بہت قریبی دوست ہیں۔ پاکستان کی موجودہ حکومت سے اچھے تعلقات ہیں لیکن امداد کسی خاص شخص کیلئے نہیں بلکہ پاکستانی عوامی کو دی جاتی ہے۔ پاکستان صرف بطور ملک حالیہ اربوں ڈالر کے سعودی اقتصادی پیکیج کا کریڈٹ لے سکتا ہے۔ ہماری فوج کے پاکستانی فوج کے ساتھ رابطے بہت مضبوط ہیں۔ امن اور ترقی کیلئے پاکستانی تنظیموں کے ساتھ کام کرنے کیلئے پرامید ہیں۔