لاہور(سپورٹس رپورٹر+نمائندہ سپورٹس ) پاکستان بیڈمنٹن فیڈریشن کے زیر اہتمام 56 ویں نیشنل بیڈمنٹن چیمپئن شپ 2019ء کل سے نشتر سپورٹس کمپلیکس لاہور میں شروع ہوگی۔ چھ روزہ چیمپئن شپ میں 300 سے زائد مرد و خواتین کھلاڑی حصہ لے رہی ہیں۔ مردوں کی سترہ جبکہ خواتین کی 12 ٹیمیں شریک ہونگی۔ مینز سنگلز میں مراد علی جبکہ لیڈیز میں ماحور شہزاد اپنے اعزاز کا دفاع کرینگی۔ واپڈا مینز اور ویمنز ٹیم ایونٹ میں اپنے ٹائٹل کا دفاع کرئے گا۔ چیمپیئن شپ کی افتتاحی تقریب دن تین بجے منعقد ہوگی۔