لاہور(سپورٹس ڈیسک) سری لنکا نے آسٹریلیا کے خلاف سیریز کے پہلے ٹیسٹ میچ کی اپنی دوسری اننگز میں ایک وکٹ پر 17رنز بنالئے ہیں ‘اننگز کی شکست سے بچنے کیلئے مزید 162رنز درکار جبکہ 9وکٹیںباقی ہیں ۔ قبل ازیں آسٹریلوی ٹیم سری لنکا کے 144رنز کے جواب میں 323رنز بناکر آئوٹ ہو گئی تھی ۔ لیبو شینجی 81اور ہیڈ 84رنز بناکر نمایاں رہے ۔ سرنگا لکمل نے پانچ کھلاڑیوں کو آئوٹ کیا ۔ سری لنکا کے کرونا رتنے دوسری اننگز میں تین رنز بناکر آئوٹ ہوئے ۔ لہیرو تھریمانے چھ رنز پر کھیل رہے ہیں ۔واحد وکٹ کمنز نے حاصل کی ۔