لاہور (سپورٹس ڈیسک) جیسن ہولڈر ‘شین ڈائورچ کی سنچریاں‘ویسٹ انڈیز نے انگلینڈکیلئے رنز کا پہاڑ کھڑا دیا ۔ کالی آندھی نے دوسری اننگز میں 6وکٹوں پر 371رنز بناکر مجموعی طور پر 583رنز کی برتری حاصل کرلی جبکہ چاروکٹیں باقی ہیں ۔ کپتان جیسن ہولڈر 171اور شین ڈائورچ 103رنز پر کھیل رہے تھے ۔ انگلینڈ کے بائولر ز میچ کے تیسرے دن ناکا م اور میزبان بلے بازوں نے خوب دھلائی کی ۔ ویسٹ انڈیز نے پہلی اننگز میں 289رنز بنائے تھے جس کے جواب میں انگلش ٹیم صر ف 77رنز پر پویلین لوٹ گئی تھی۔