مظفرگڑھ (اے پی پی) عمرہ کی سعادت کیلئے جانے والے سات رکنی گروپ کی خاتون مسقط انٹرنیشنل ائرپورٹ پر دل کا دورہ پڑنے سے انتقال کرگئی۔ مظفرگڑھ کی مسمات عزت مائی زوجہ محمد رمضان کی میت تاحال مسقط میں موجود ہے جسے واپس وطن لانے کیلئے ورثا کافی پریشان ہیں۔ اور انہوں نے وزیر اعظم عمران خان، وزیر خارجہ شاہ محمود قریشی سے اپیل کی ہے کہ میت کو جلد از جلد پاکستان لانے کیلئے انتظامات کئے جائیں۔