قصور (نمائندہ نوائے وقت) کوٹ پکا قلعہ میں گنجان آباد علاقہ میں سلنڈرز ری فلنگ کی غیرقانونی دوکان میں سلنڈر پھٹنے سے دکاندار زخمی ہوگیا۔ رشید احمد نے کوٹ پکا قلعہ کے علاقہ میں ری فلنگ دکان بنا رکھی تھی جس میں وہ بڑے سلنڈرز سے گاہکو ں کو چھوٹے سلنڈروں میں گیس بھر کر دیتا تھا۔ گزشتہ روز بھی وہ بڑے سلنڈر سے چھوٹے سلنڈر میں گیس بھر رہا تھا کہ اچانک سلنڈر زوردار دھماکے سے پھٹ گیا اور دکان میں آگ بھڑک اٹھی جس سے علاقہ میں خوف و ہراس پھیل گیا۔ ریسکیو 1122 زخمی دکاندار ڈسٹرکٹ ہسپتال میں منتقل کردیا۔