لاہور +اسلام آباد(نیوز رپورٹر+ نوائے وقت رپورٹ) مسلم لیگ (ن) کے رہنما حنیف عباسی کی پنجاب انسٹی ٹیوٹ آف کارڈیالوجی میں انجیوپلاسٹی کی گئی۔ دل کی تکلیف کے باعث حنیف عباسی کوکیمپ جیل لاہور انتظامیہ نے پی آئی سی منتقل کیا تھا۔ مسلم لیگ کی مرکزی ترجمان مریم اورنگزیب نے حنیف عباسی کی ناساز طبیعت پر اظہار تشویش کرتے ہوئے عوام سے ان کی صحت یابی کیلئے خصوصی دعائوں کی اپیل کی۔ترجمان مسلم لیگ ن مریم اورنگزیب نے پارٹی رہنما حنیف عباسی کی خرابی صحت پر اظہار تشویش کیا ہے مریم اورنگزیب نے کہا کہ حنیف عباسی نے راولپنڈی کی تعمیر و ترقی ، عوام کو بہتر سفری سہولیات میں اہم کردار ادا کیا ، راولپنڈی کے عوام حنیف عباسی کی خدمات کو آج بھی سراہتے ہیں عوام سے اپیل ہے کہ حنیف عباسی کی جلد صحت یابی کے لئے دعا کریں ، وہ وقت دور نہیں جب حنیف عباسی سرخرو ہوکرایک بار پھر عوام میں ہوں گے۔