شیخوپورہ(نمائندہ خصوصی)دوسرا معین پرویز چشتی میموریل ٹی ٹونٹی ٹورنامنٹ ٹرافی کی تقریب رونمائی ہوئی ‘ قومی ٹیم کے سابق آل رائونڈرز عبدالرزاق، رانا نوید الحسن اور موجودہ فاسٹ بائولر محمد عباس سمیت دیگر کرکٹر زاور ڈی ایچ اے کے عہدیداران محمد نعیم خان، محمد سلیم مغل، حافظ شاہد رشید، عمر معین، علی رضا معین، طاہر امین لالہ ، محمد اسلام کمبوہ ، شبیر حسین بٹ، فضائل مدثر ، جاوید اقبال چوہان ، سلطان حمید راہی ، سیف الرحمن سیفی و دیگر نے شرکت کی۔ افتتاحی میچ آج ڈیڑھ بجے کھیلا جائے گا۔ کرکٹر عبدالرزاق اور رانا نوید الحسن نے کہا کہ معین پرویز چشتی مرحوم نے ضلع میںکرکٹ کے فروغ کیلئے انتھک کردار ادا کیا ان کی شبانہ روز محنت کے نتیجہ میں پاکستان کو نامور کرکٹرز دیئے ، شیخوپورہ میں کرکٹ کا بہت ٹیلنٹ ہے حکومت کو چاہئے کہ وہ اضلاع کی سطح پر ٹیلنٹ کو حاصل کرنے کیلئے فوری اقدامات اٹھائے، شیخوپورہ کی سرزمین سپورٹس کے حوالے سے بڑی ذرخیز ہے جس نے کرکٹ ہاکی اور دیگر کھیلوں میں انٹرنیشنل سطح کے کھلاڑی پیدا کئے۔