لاہور(کلچرل رپورٹر)مصنف وہدایتکارسلیم مرادکی اردو فلم ’’ٹومچ‘‘کایونٹ گجرات پہنچ گیا ۔فلم کے نمایاں فنکاروں میں ارباز خان ، جہانگیر جانی ،دعاقریشی،جیاجٹ اور دیگر شامل ہیں۔سلیم مراد نے بتایاکہ مذکورہ فلم معاشرتی مسائل پر مبنی اصلاحی اورتفریحی فلم ہے۔ جس میں ایکشن ،رومانس اور مزاح شامل ہے۔فلم ورکنگ ویمن کے حالات زندگی کا احاطہ کرتی ہے ۔اس کی تمام شوٹنگ گجرات میںکی جائے گی۔میری کوشش ہوگی ایک ماہ کے اندر کیمرہ کلوز کرکے واپس آئوں۔انکاکہناتھاکہ یہ جدید تکنیک کے مطابق بنائی جارہے جسے ڈیجیٹل سینما گھروں میں نمائش کیلئے پیش کیاجائے گا۔لاہورہمیشہ سے فلمی مرکز رہاہے اور آج وقت ہے کہ یہاں قومی زبان میںفلمیں بناکر اس مرکز کی بحالی کی جائے ۔میری کوشش ہوگی کہ فلم بینوں کو ایک معیاری فلم دوں۔