لاہور(نمائندہ سپورٹس +سپورٹس رپورٹر)ویسٹ انڈیز کے سابق ٹیسٹ کرکٹر گس لوگی نے امید ظاہر کی ہے کہ عمران خان کرکٹ کی طرح سیاست میں بھی اچھی قیادت کرینگے۔ ویسٹ انڈیز ویمنز ٹیم کے اسسٹنٹ کوچ نے وزیراعظم عمران خان کے لئے نیک خواہشات کا اظہار کیا۔انہوں نے کہاکہ پاکستان میں کرکٹ آہستہ آہستہ واپس آرہی ہے، امید ہے جلد پاکستان میں سب کچھ پہلے جیسا ہوجائے گا۔ 1992ء ورلڈ کپ زندگی کے یاد گار واقعات میں سے ایک ہے، امید کرتے ہیں دیگر غیر ملکی ٹیمیں بھی جلد پاکستان کا دورہ کریں گی۔ عمران خان نے جس طرح کرکٹ کے میدان میں ٹیم کو لیڈ کیا اگر پاکستان کو بھی ایسے لیڈ کریں اور عوام نے انہیں سپورٹ کیا تو یہ پاکستان کیلئے بہت اچھی بات ہوگی۔