لاہور (سپورٹس رپورٹر) لاہور کالج ویمن یونیورسٹی ٹیم نے آل پاکستان انٹریونیورسٹی باسکٹ بال چیمپئن شپ جیت لی۔ کراچی یونیورسٹی کراچی میں منعقد ہونے والی چیمپئن شپ کے فائنل میں لاہور کالج ویمن یونیورسٹی نے پنجاب یونیورسٹی ٹیم کو 34 کے مقابلے 46 سکور سے شکست دی۔ فاتح لاہور کالج یونیورسٹی ٹیم کی جانب سے سحرش، نازش اور اروہ نے جبکہ پنجاب یونیورسٹی ٹیم کی جانب سے سدرہ نے اچھے کھیل کا مظاہرہ کیا۔ آخر میں وائس چانسلر کراچی یونیورسٹی نے کھلاڑیوں میں انعامات تقسیم کیے جبکہ اس موقع پر لاہور کالج ویمن یونیورسٹی ٹیم کے کوچ آصف اقبال، حمیرا مغل اور میجر (ر) محمود لغاری بھی موجود تھے۔