لاہو ر+فیروزوالہ (نمائندہ خصوصی+نامہ نگار)باٹا پور کے علاقہ میں 13سالہ لڑکا کرین کی زد میں آکر جاں بحق ہو گیا ، بتایا گیا ہے کہ باٹا پور کیر گائوں کے قریب 13سالہ بلال نامی بچے کو تیز رفتار کرین نے کچل دیا، جس سے وہ موقع ہی پر جاں بحق ہوگیا،جبکہ ڈرائیور موقع سے فرار ہونے میں کامیاب ہوگیا۔شاہدرہ ٹاؤن کے علاقہ میں نوجوان عمرجو کہ شرقپور کا رہائشی تھاشاہدرہ مقبرہ موڑ کے قریب ریل کی پٹری عبور کررہاتھا اس دوران ٹرین کی زد میں آکر جاں بحق ہوگیا ۔ریلوے پھاٹک شاہدرہ کے قریب ٹرین کی زد میں آکربائیس سالہ نوجوان مبشرعلی جاں بحق ہوگیابتایاگیاہے کہ لاجپت روڈ شاہدرہ کارہائشی ہیئرڈریسر شاپ کا مالک مبشرعلی اپنے دوستوں کے ہمراہ مقبرہ نورجہاں کے قریب ریلوے لائن پرتصویریں بنارہاتھاکہ اچانک ٹرین کی زدمیں آکرموقع پرجاں بحق ہوگیا۔