لاہور(سپورٹس رپورٹر+نمائندہ سپورٹس)ویسٹ انڈیز کے سابق آل راؤنڈر ڈیوائن براوو کا نیا گانا ’ایشیا‘ منظر عام پر آگیا جس میں شاہد آفریدی کو بھی شامل کیا گیا ہے۔ براوو موسیقی سے گہرا لگاؤ رکھتے ہیں، ان کا گایا ہوا گیت چیمپئن آج بھی مقبول ہے، نئے گانے ایشیا میں انہوں نے شاہد آفریدی، ویرات کوہلی، مہندرا سنگھ دھونی، کمار سنگاکارا، مہیلا جے وردنے، شکیب الحسن اور راشد خان کا ذکر کیا ہے، ویڈیو میں ان سٹارز کی جھلک بھی نظر آتی ہے۔ شاہد آفریدی نے کہا کہ براوو نے بہترین کوشش کی ہے، امید ہے نیا گانا چیمپئن سے بھی زیادہ مقبول ہوگا۔