قصور + شرقپور شریف (نمائندہ نوائے وقت + نامہ نگار) تھانہ بی ڈویژن پولیس کا جرائم پیشہ ملزموں اور پتنگ بازوں کے خلاف کریک ڈائون،9قمار باز اور17پتنگ باز گرفتار، ملزموں کے قبضہ سے دائو پر لگی ہزاروں کی رقم اور سینکڑوں پتنگیں اور ڈور کی چرخیاں برآمد کر کے مقدمات درج کر لئے۔ پولیس نے شیخ بھاگو میں ریڈ کرتے ہوئے 9ملزم دانش، وقار، سنیل، دانش، سلامت، لیاقت، سیموئیل، آکاش اور اکبر کو قمار بازی کرتے ہوئے گرفتار کر کے دائو پر لگی ہزاروں روپے کی رقم برآمد کی،اسی طرح تھانہ بی ڈویژن پولیس نے پتنگ بازوں کے خلاف کریک ڈائون کرتے ہوئے 17 ملزم گرفتار کرکے ان کے قبضہ سے سینکڑوں پتنگیں اور کیمیکل و ڈور کی چرخیاں برآمد کرکے مقدمات درج کر لیے۔ علاوہ ازیں پولیس نے شرقپور شریف اور مضافات میں سرچ آپریشن کرکے 250گڈیاں اور 110 چرخیاں ڈور پکڑ کر وقاص ،کاشف وغیر ہ کو گرفتار کرکے ان کے خلاف مقدمہ درج کرلیا۔ علاوہ ازیں پولیس نے تاش جواء کے اڈا پر ریڈ کیا تو محمد علی ،خلیل احمد ،بلال وغیرہ تاش جواء کھیل رہے تھے جن کو رنگے ہاتھوں پکڑ کر گرفتار کرلیے جبکہ تین ملزمان بلال ،شاکر ،اعظم فرار ہوگئے مقامی پویس نے چھ افراد کے خلاف مقدمہ درج کرلیا۔