ٹریفک حادثات میں ایک شخص جاں بحق‘ متعدد زخمی
شیخوپورہ + جوئیانوالہ (نمائندہ نوائے وقت + نمائندہ خصوصی + نامہ نگار) ٹریفک حادثات میں ایک شخص جاں بحق جبکہ متعدد زخمی ہو گئے۔ شیخوپورہ سرگودھا روڈ کھاد ساز فیکٹری کے سامنے لاہو ر سے شیخوپورہ آتے ہوئے موٹر سائیکل سوار 35 سالہ خوائب سکنہ ساہوکی ملیاں کو تیزرفتار ٹریکٹر ٹرالی نے کچل ڈالا جو زخموں کی تاب نہ لاتے ہوئے جاں بحق ہو گیا۔ علاوہ ازیں لاہور روڈکی آبادی جوئیانوالہ موڑ کے قریب چودھری مل سٹاپ پر ایک نجی فیکٹری کی سٹاف بسیں آپس میںٹکرائی گئی جس کے نتیجہ میں 25 سے زائد ملازمین شدید زخمی ہوگئے جن کو ریسکیو ٹیموں نے فوری طور پر ڈی ایچ کیو ہسپتال داخل کرا دیا جہاں پر دو کی حالت تشویشناک ہے۔
