کراچی (صباح نیوز) کراچی کے علاقے پرانا گولیمار میں منشیات فروشوں کی جانب سے فائرنگ کے نتیجے میں ایک پولیس اہلکار شہید ہو گیا۔ پولیس کے مطابق واقعہ اس وقت پیش آیا جب پولیس اور منشیات فروشوں کے درمیان مقابلہ جاری تھا۔ جس کے دوران ملزموں نے فائرنگ کر دی جس کے نتیجے میں پولیس اہلکار محمد فاروق شدید زخمی ہو گیا۔ پولیس کے مطابق زخمی پولیس اہلکار کو نجی ہسپتال منتقل کیا گیا تاہم وہ دوران علاج دم توڑ گیا۔