پاکستان سپر لیگ کی براہ راست اردو کمنٹری ریڈیو پاکستان سے نشر کی جائے گی
لاہور (سپورٹس رپورٹر+نمائندہ سپورٹس) ریڈیو پاکستان ، پاکستان سپر لیگ فور کے میچوں کی گیارہ سٹیشنوں سے براہ راست اردو کمنٹری نشر کرے گا۔ یہ کمنٹری میڈیم ویو سٹیشنوں اسلام آباد، لاہور، کراچی، ملتان ، بہاولپور،لاڑکانہ، حیدرآباد ، پشاور، کوئٹہ، ڈیرہ اسماعیل خان اور گلگت سے نشر کی جائیگی۔ ریڈیو پاکستان کے دھنک چینل ایف ایم 94 اور ایف ایم 101 نیٹ ورکس بھی اپنی معمول کی نشریات کے دوران تازہ ترین صورتحال براہ راست نشر کریںگے۔ پاکستان کے معیاری وقت کے مطابق روزانہ پہلے میچ کی براہ راست کمنٹری 04:30 پر شروع ہوگی جبکہ دوسرے میچ کی کمنٹری 9:00 بجے شروع ہوگی ۔
