قومی انڈر 19ہاکی چیمپئن شپ ‘پنجاب کی ٹیموں کے ٹرائلز مکمل
لاہور(سپورٹس رپورٹر) قومی انڈر 19 ہاکی چیمپئن شپ میں حصہ لینے کیلئے پنجاب کی ٹیموں کے ٹرائلز مکمل ہو گئے ،نیشنل ہاکی سٹیڈیم میں ہونے والے ٹرائلز میں صوبہ بھر سے شارٹ لسٹ کئے گئے 125 کھلاڑیوں نے حصہ لیا ،پنجاب ہاکی ایسوسی ایشن کے سیکرٹری کرنل ریٹائرڈ آصف ناز ، اولمپیئن دانش کلیم اور رانا ظہیر پر مشتمل سلیکشن کمیٹی نے ٹرائلز کی نگرانی کی ، ٹرائلز کے بعد چیمپئن شپ کے لئے پنجاب کی چار ٹیموں کا انتخاب کیا جائے گا،ابتدائی طور پر پنجاب کی تین ٹیمیں ایونٹ میں شامل ہیں تاہم پنجاب ہاکی ایسوسی ایشن نے پی ایچ ایف سے چوتھی ٹیم کو ایونٹ میں شامل کرنے کی درخواست کی ہے۔
