حارث رئوف کی شکل میں نیا ہیرو مل گیا
لاہور (سپورٹس رپورٹر )بھارتی کپتان ویراٹ کوہلی کو نیٹ پر بائولنگ کرانے والے حارث روف کراچی کنگز کے خلاف لاہور قلندرز کی جیت کے ہیرو بن گئے، انہوں نے 150 کلو میٹر فی گھنٹہ کی اسپیڈ سے تباہ کن بائولنگ کرتے ہوئے کنگز کے 4 کھلاڑیوں کو آوٹ کیا اور مین آف دی میچ قرار پائے۔حارث روف کا تعلق گوجرانوالہ سے ہے اور وہ لاہور قلندرز کے پلیئرز ڈیویلپمنٹ پروگرام سے منتخب ہوئے ہیں وہ 150 کلو میٹر فی گھنٹہ کی سپیڈ سے گیند کرتے ہیں۔لاہور قلندرز کی انتظامیہ نے انہیں آسٹریلیا بھی بھیجا تھاجہاں ان کی بائولنگ مزید نکھر گئی۔، حارث روف نے آسٹریلیا میں بھارتی ٹیم کے کپتان ویرات کوہلی کو بھی نیٹ پربائولنگ کرائی تھی۔
