ہر مرحلے پر سعودی عرب نے پاکستان کا ساتھ دیا ،حمزہ شہباز
لاہور (صباح نیوز) مسلم لیگ( ن) کے رہنما حمزہ شہباز نے کہا ہے کہ ہر مرحلے پر سعودی عرب نے پاکستان کا ساتھ دیا، چیلنج کی کوئی آندھی دونوں ملکوں کے تعلقات پر اثرانداز نہیں ہوسکی۔مسلم لیگ( ن )کے رہنما حمزہ شہبازنے اپنے بیان میں کہا کہ سابق وزیراعظم نوازشریف نے سعودی عرب کے ساتھ باہمی اعتماد پر مبنی تعلقات استوار کئے۔ ہر مرحلے پر سعودی عرب نے پاکستان کا ساتھ دیا، چیلنج کی کوئی آندھی دونوں کے برادرانہ تعلق پر اثرانداز نہیں ہو سکی۔ پاکستان اور سعودی عرب معاشی میدان میں ایک دوسرے کی بھرپور معاونت سے خطے میں اقتصادی انقلاب برپا کرنے کی صلاحیت رکھتے ہیں، شہزادہ محمد بن سلمان نے تخلیقی انداز میں سعودی معیشت استوار کرنے کا تاریخی اقدام اٹھایا۔
