لاہور(نمائندہ سپورٹس) پاکستان کرکٹ بورڈ گورننگ بورڈ کے نومنتخب رکن نعمان بٹ نے پی سی بی چیئرمین احسان مانی سے ملاقات کی ہے۔کرکٹ بورڈ کے چیئرمین احسان مانی نے نعمان بٹ کو سیالکوٹ ریجنل کرکٹ ایسوسی ایشن کا انتخاب جیتنے اور گورننگ بورڈ کا رکن بننے پر مبارکباد دی۔ پی سی بی کے سربراہ نے انہیں گراس روٹ لیول پر کھیل کے فروغ پر تعاون کی یقین دہانی بھی کروائی۔ سیالکوٹ ریجنل کرکٹ ایسوسی ایشن کے صدر اور گورننگ بورڈ کے رکن نعمان بٹ کا کہنا تھا کہ چیئرمین کرکٹ بورڈ احسان مانی سے ملاقات خوشگوار رہی۔وہ ایسوسی ایشنز کو مضبوط بنانا چاہتے ہیں۔