اسلام آباد (آن لائن) وزیر اعظم عمران خان جمعہ کو راجن پور کا دورہ کریں گے۔ جس میں وہ صحت کارڈ پروگرام کا آغاز کریں گے۔ وزیراعظم عمران خان 22 فروری بروز جمعہ کو راجن پور کا دورہ کریں گے جس میں وزیر اعلی پنجاب عثمان بزدار سمیت دیگر وفاقی وزراء بھی ان کے ہمراہ ہوں گے۔ علاوہ ازیں وزیراعظم عمران خان 23 اور 30 مارچ کو 2 نئی لگژری ٹرینوں کا افتتاح کریں گے۔ سر سید ایکسپریس 30 مارچ سے راولپنڈی سے کراچی جائیگی، یہ نان سٹاپ ٹرین ریکارڈ 18 گھنٹوں میں کراچی پہنچے گی، یہ مکمل ایئرکنڈیشنڈ ہوگی اس میں صوفہ سیٹ، ہر کوچ میں الگ ای ای ڈی، وائی فائی، ایئرکنڈیشنڈ، منرل واٹر دستیاب ہوگا، اس کا کرایہ11 ہزار روپے تجویز کیا گیا ہے۔ جناح ایکسپریس لاہور سے کراچی چلے گی یہ دونوں پاکستان کی انتہائی لگژری ریل گاڑیاں ہوں گی، جدید ترین واش روم بھی ہوں گے، لگژری برتھ اور سیٹ ہوگی ان گاڑیوں کی 3 ماہ قبل تک سیٹوں کی بکنگ کرائی جاسکے گی۔