پی ایس ایل کے دوران شہر میں کرکٹ کا ماحول بنائیں گے: کمشنر کراچی
لاہور(سپورٹس رپورٹر+نمائندہ سپورٹس)کمشنر کراچی افتخار شالوانی کا کہنا ہے کہ پی ایس ایل کے میچز جب پاکستان آئیں گے تو کراچی میں کرکٹ ماحول بنایا جائے گا، شہر کو پہلے سے زیادہ بہتر انداز میں سجایا جائے گا۔کمشنر کراچی افتخار شالوانی کی زیر صدارت اجلاس ہوا، جس میں پی سی بی کے نمائندے ارشد خان، اسپیشل سیکرٹری لوکل گورنمنٹ، ایم ڈی واٹر بورڈ، سالڈ ویسٹ مینجمنٹ بورڈ، ڈی ایم سیز، کنٹونمنٹ بورڈز کے افسران اور کے الیکٹرک کے نمائندے نے شرکت کی۔
