نئی دہلی (آن لائن) بھارتی آرمی چیف جنرل بپن راوت نے کہا ہے کہ پاکستانی آرمی چیف جنرل قمر جاوید باجوہ کو فالو کرتا ہوں۔ مجھے علم ہوتا ہے وہ کہاں کا دورہ کر رہے ہیں۔ سدھو کی جنرل باجوہ سے جھپی پر خوف زدہ نہیں ہوا ۔بھارتی خبر رساں ادارے کے مطابق ایک انٹرویو میں بھارتی آرمی چیف جنرل نے کہا کہ میں ہر انداز میں پاکستانی آرمی چیف کو فالو کر تا ہوں۔ وہ پاکستان کے آرمی چیف ہیں اور مجھے ا±ن کو فالو کرنا بھی پڑتا ہے۔ نوجوت سنگھ سدھو کے جنرل قمر جاوید باجوہ کو گلے لگانے سے متعلق سوال کے جواب میں کہا میں کبھی غصہ نہیں ہوتا۔ میں نے صاف کہا تھا اس طرح کی باتوں سے میں پریشان نہیں ہوتا۔ یہ ان کا ذاتی معاملہ ہے۔ ہو سکتا ہے کہ نوجوت سنگھ سدھو کو لگا ہو کہ پاکستان آرمی چیف کو گلے لگانے سے ایک مثبت فضا قائم ہو اور اسی لیے انہوں نے ایسا کیا ہو لیکن مجھے اس سے کوئی فرق نہیں پڑتا۔

بھارتی آرمی چیف