بہاولپور(نمائندہ نوائے وقت‘ نامہ نگار) سی ٹی ڈی کی کارروائی‘ دو دہشت گرد گرفتار‘ قبضہ سے دھماکہ خیز مواد‘ اسلحہ‘ ٹائم ڈیوائسز اور ہینڈ گرنیڈ برآمد کر لئے۔ دہشت گرد حساس مقامات سمیت مین سوئی گیس پائپ لائن کو نشانہ بنانا چاہتے تھے۔ سی ٹی ڈی ترجمان کے مطابق سی ٹی ڈی نے انٹیلی جنس اطلاعات پر تھانہ صدر بہاولپور کی حدود میں کارروائی کر کے دو دہشت گردوں کو گرفتار کر لیا ہے جن کے قبضہ سے دو کلودھماکہ خیز مواد‘ اسلحہ‘ دو ٹائم ڈیوائسز اور پانچ ہینڈ گرنیڈ برآمد کر لئے ہیں۔ گرفتار دہشت گرد حساس مقامات سمیت سوئی گیس کی مین پائپ لائن کو دھماکہ سے اڑانا چاہتے تھے۔ گرفتار دہشت گردوں کا تعلق بلوچ لبریشن آرمی سے ہے جن کے نام وست محمد ہیں اور ان کو افغانستان میں مقیم باغی کمانڈر کی آشیرباد حاصل ہے۔ گرفتار دہشت گرد اس سے قبل ضلع رحیم یار خان میں سوئی گیس پائپ لائن پر حملوں میں بھی ملوث ہیں۔ دونوں کو مزید تفتیش کے لئے نامعلوم جگہ پر منتقل کر دیا گیا ہے۔
دہشت گرد گرفتار