لاہور (آن لائن) مسلم لیگ( ن) کے رہنما اور سابق رکن صوبائی اسمبلی رانا تجمل حسین دل کا دورہ پڑنے سے انتقال کر گئے۔تفصیلات کے مطابق ن لیگی رہنما رانا تجمل حسین 3 سے زائد مرتبہ رکن پنجاب اسمبلی منتخب ہوئے تھے۔ انہوں نے زمانہ طالب علمی سے ہی ایم ایس ایف کے پلیٹ فارم سے بطور جنرل سیکرٹری سیاسی سفر کا آغاز کیا۔ مرحوم کے سوگوران میں بیوی اور تین بچے شامل ہیں۔ دوسری جانب لیگی رہنما رانا تجمل حسین کے انتقال پر پارٹی صدر اوراپوزیشن لیڈرقومی اسمبلی میاں شہباز شریف نے اظہار افسوس کرتے ہوئے کہا کہ رانا تجمل ہمارے دیرینہ ساتھی تھے، اللہ تعالی مرحوم کی مغفرت اور ان کے اہل خانہ کو صبر جمیل عطا فرمائے۔