گوجرانوالہ (نمائندہ خصوصی ) لوہیانوالہ میں تیز رفتار موٹر سائیکل بے قابو ہو کر ٹرک کی زد میں آنے سے ایک ہی خاندان کے 3افراد جاں بحق ہو گئے ،ریسکیو اہلکاروں نے نعشوں کو ضروری کارروائی کیلئے ڈسٹرکٹ ہسپتال منتقل کر دیا۔چھبیس سالہ افتخار اپنی ساٹھ سالہ والدہ صغراں بی بی اور سولہ سالہ بہن میمونہ کے ہمراہ موٹر سائیکل پر سوار ہو کر جا رہا تھا جی ٹی روڈ پر انکی موٹر سائیکل تیز رفتاری کے باعث بے قابو ہو کر ٹرک کے ساتھ ٹکرا گئی اس دوران ٹرک نے تینوں افراد کو کچل دیا، ماں ،بیٹا اور بیٹی موقع پر ہی زخموں کی تاب نہ لاتے ہوئے جان کی بازی ہار گئے جبکہ افسوسناک حادثہ کی اطلاع ملتے ہی لواحقین بھی ہسپتال پہنچ گئے ،جو اپنے پیاروں کی نعشوں سے لپٹ کر چیخ و پکار کرتے رہے اس موقع پر ہی آنکھ اشکبار تھی ۔