سکھر (نوائے وقت رپورٹ) پیپلزپارٹی کے رہنما خورشید شاہ نے کہا ہے کہ پاکستان پیپلزپارٹی تمام سازشوں کا ڈٹ کر مقابلہ کرے گی، ہم پر عزم قوم ہیں، ہمارے لئے کانٹے کچھ نہیں۔ سپیکر سندھ اسمبلی سراج درانی کو زبر دستی لے جایا گیا، نیب قوانین میں بہت سی خامیاں ہیں، میڈیا سے گفتگو اور تقریب سے خطاب کرتے انہوں نے کہا کہ مولانا فضل الرحمن سے ملاقات ہوتی رہتی ہے، سب کے سامنے ہے، گلوبل وارمنگ پر جنگی بنیادوں پر اقدامات کرنے کی ضرورت ہے ہر شخص بات کرتا ہے لیکن عملی طور پر اپنا کردار ادا نہیں کرتا۔ باغبان اپنی محنت سے زمین پر خوبصورت رنگ بکھیرتا ہے، آبادی میں تیزی سے اضافہ اور درخت کم ہوتے جا رہے ہیں۔