لاہور( سپورٹس رپورٹر ) ڈائریکٹر جنرل سپورٹس پنجاب ندیم سرور کی صدارت میںصوبے میں سپورٹس سہولتوں کے حوالے سے اہم جائزہ اجلاس منعقد ہوا ، اجلاس میں ڈائریکٹر سپورٹس محمد حفیظ بھٹی ،ملتان، بہاولپور اور ڈیرہ غازی خان کے ڈویژنل اور ڈسٹرکٹ سپورٹس آفیسران اور دیگر بھی موجود تھے، اجلا س میں افسران نے ڈائریکٹر جنرل سپورٹس پنجاب ندیم سرور کو سپورٹس سہولتوں کے حوالے سے آگاہ کیا، اجلاس سے خطاب کرتے ہوئے ڈائریکٹر جنرل سپورٹس پنجاب ندیم سرو ر نے کہا کہ پنجاب میں بہت زیادہ ٹیلنٹ موجود ہے اور سپورٹس سہولتوں کی وجہ سے پنجاب نے ہمیشہ قومی سطح پر ہونے والے مقابلوں میں بہترین کارکردگی کامظاہرہ کیا ہے۔