لاہور(سپورٹس رپورٹر) پاکستان سپورٹس بورڈ کے زیر اہتمام انٹر بورڈ سپورٹس گالا(خواتین) کے مقابلے دوسرے روز بھی جاری رہے۔ دوسرے روز مقابلوں کی مہمان خصوصی تسنیب رحمان، سپیشل سیکرٹری، منسٹری برائے بین الصوبائی رابطہ نے مقابلوں کے اختتام پر جیتنے والی ٹیموں میں انعامات تقسیم کیئے۔ تقریب انعامات کی تقسیم جو کہ حمیدی ہال، پاکستان سپورٹس کمپلیکس، اسلام آباد میں دن 3 بجے منعقد ہوئی۔دوسرے روز کے مقابلوں کے رزلٹ کچھ اس طرح رہے۔ بیڈمنٹن مقابلوں میں مردان ، اسلام آباد ، راولپنڈی، بہاولپور، کراچی نے سیمی فائنل مقابلوں کیلئے کوالیفائی کیا۔ اسی طرح ہاکی مقابلوں میں لاہور اور سکھر بورڈز نے سیمی فائنل مقابلہ کیلئے کوالیفائی کیا جبکہ والی بال ایونٹ میںراولپنڈی اور اسلام آباد کے بورڈز نے سیمی فائنل مقابلوں کیلئے کوالیفائی کیا۔