لاہور (سپورٹس رپورٹر )پاکستان سپر لیگ سیزن 4 کے حوالے سے سندھ پولیس نے پلان ترتیب دے دیا۔آئی جی سندھ کلیم امام کی زیرصدارت اہم سکیورٹی اجلاس منعقد ہوا جس میں پاکستان سپر لیگ سیزن 4 کے کراچی میں ہونے والے میچز اور ایئرپورٹ سے ہوٹل اور ہوٹل سے سٹیڈیم تک سکیورٹی اور ٹریفک پربریفنگ دی گئی جبکہ متبادل روٹس پارکنگ ایریاز پر اٹھائے جانے والے مجموعی اقدامات پر بھی بریفنگ دی گئی۔ایسٹ زون میں 7720،ساوتھ میں2260 جوان ذمہ داریاں انجام دیں گے، سپیشل سکیورٹی یونٹ کے 565،ٹریفک پولیس کے1780اہلکار تعینات کئے جائیں گے۔اسپیشل برانچ کے788اہلکاراپنی ذمیہ داریاں انجام دیں گے،پی ایس ایل فور کے موقع پر مجموعی طور پر13112افسران و جوان کو ذمہ داریاں تفویض کی گئی ہے۔