لاہور (سپورٹس رپورٹر)پاکستان اور سری لنکا کے مابین کھیلی جانے والی ٹی ٹونٹی انٹرنیشنل بلائنڈ کرکٹ سیریزکے دوسرے میچ میں پاکستان بلائنڈ کرکٹ ٹیم نے سری لنکا کو83 رنز سے شکست دیکر تین میچوں کی سیریزمیں دوصفر کی فیصلہ کن برتری حاصل کرلی۔پاکستان نے ۔ 2 وکٹوں۔ پر294 رنز سکور کئے‘ ۔کپتان نثارعلی نے سیریز میں ۔ مسلسل دوسری سنچری سکور کی۔محمدراشد نے 36 گیندوں پر 58رنز بنائے۔ کپتان نثارعلی نے60 گیندوں پر20 چوکوں کی مددسے 125 رنزناٹ آئوٹ سکورکئے‘ بدرمنیر نے 51 رنز ناٹ آئوٹ بنائے۔ 295 رنز کے تعاقب میں سری لنکن ٹیم 20 اوورز میں 2 وکٹوں پر211 بنا سکی‘ ے سلوا نے 53 بالزپر 108 رنز ناٹ آئوٹ بنائے چندانہ بندارا نے 32 رنز بنائے ایوب خان اور شفیع اللہ نے 1 ایک وکٹ حاصل کی۔ مہمان خصوصی پاکستان بلائنڈ کرکٹ کونسل کے چیئرمین پی بی سی سی سیّدسلطان شاہ نے سری لنکا کے اے ڈسلوا کو مین آف دی میچ کاایوارڈ دیا ۔ٹی ٹونٹی سیریز کاتیسرااور آخری میچ آج کھیلا جائے گا۔